Падарункі ў чырвоных рукавічках перададзены для дзяцей, якія змагаюцца з анкалогіяй

Навучэнцы сярэдняй школы №8 абласнога цэнтра далучыліся да раённай дабрачыннай акцыі "Цуды на Каляды» і рэспубліканскай акцыі «Нашы дзеці». На працягу снежня школьнікі праводзілі збор спартыўнага інвентара, канцылярскіх тавараў, прадметаў для мастацкай творчасці, настольных гульняў, цацак, кніг для дзяцей. Акрамя таго, вучні пашылі больш за 80 чырвоных рукавічак, якія адлюстроўваюць імкненне валанцёраў акружыць клопатам і ўвагай ў гэтыя святочныя дні дзяцей. Яны напаўнялі рукавічкі прысмакамі. Падчас акцыі таксама былі сабраныя 90 каробак адвагі. Усё гэта перададзена прадстаўнікам сацыяльна-дабрачыннага установы «Цэнтр ПОРА».