Герб Рэспублiкi Беларусь Герб г.Гродна Гродзенскі абласны
выканаўчы камітэт

Інтэрнет-прыемная аблвыканкама

Адрас аблвыканкама:
230023 г. Гродна, вул. Э.Ажэшка, 3
Прыёмная: (0152)72-31-90
Запiс на прыём: 73-55-66
Факс: (0152)72-02-32

Галоўная - Навiны - Навiны рэгiёна
2 сентября 2019

Турніры па гандболе і веславанні.

 

Падчас маштабнага святкавання Дня беларускага пісьменства праходзілі спаборніцтвы па веславанні на байдарках і каноэ сярод адзіночнікаў. Спартсмены, якіх сабралася амаль сто чалавек, спаборнічалі на дыстанцыі 500 метраў. Старт першаму заезду даў міністр спорту і турызму Рэспублікі Беларусь Сяргей Кавальчук. 

IMG_6562.JPG

Пераможцамі заплыву ў каноэ-адзіночцы сталі Аліна Шырокава, Данііл Лысуха і Іван Панасеня. А па выніках заплыву на байдарках, перамаглі Максім Захарчук, Уладзімір Цыпурка, Уладзіслаў Троцкі і Юрый Беласкірскі.

Падчас свята ў Слоніме адбыліся таксама спаборніцтвы па гандболе сярод юнакоў 14-16 гадоў. Пазмагацца за званне мацнейшых на спартыўнай пляцоўцы СДЮШАР №2 Слоніма сабраліся дзевяць каманд з розных школ горада. 


Усяго спартсменам давялося адыграць дзесяць гульняў, кожная з якіх трымала ў напрузе і балельшчыкаў, і саміх удзельнікаў, і, варта адзначыць, усе гульцы праявілі добрую фізічную падрыхтоўку і паказалі годныя вынікі. Дарэчы, спаборніцтвы праходзілі па алімпійскай сістэме. 

20190901123039_IMG_5093.JPG

Так, па выніках усіх дзесяці гульняў, пераможцамі сталі вучні СШ №10, на другім месцы размясцілася каманда юнакоў СШ №7, а заслужанае трэцяе месца дасталася спартсменам, якія прадстаўлялі гонар СШ №2. І, канешне, не абышлося і без узнагарод: каманды-пераможцы атрымалі заслужаныя граматы. 

IMG_6648.JPG