Герб Рэспублiкi Беларусь Герб г.Гродна Гродзенскі абласны
выканаўчы камітэт

Інтэрнет-прыёмная аблвыканкама

Адрас аблвыканкама:
230023 г. Гродна, вул. Э.Ажэшкi, 3
Прыёмная: (0152)72-31-90
Запiс на прыём: 73-55-66
Факс: (0152)72-02-32

Галоўная - Навiны - Навiны рэгiёна
5 октября 2017

Знакамітыя землякі. Тыдзень пад такой назвай праходзіць на Мастоўшчыне

З 2 па 8 кастрычніка на Мастоўшчыне праходзіць тыдзень “Знакамітыя землякі”, заключным мерапрыемствам якога стане гала-канцэрт, што адбудзецца ў раённым цэнтры культуры ў нядзелю, 8 кастрычніка, у 13.00 гадзін. 

А на працягу бягучага тыдня жыхары і госці Мастоўскага раёна маюць унікальную магчымасць пазнаёміцца з жыццёвым і творчым шляхам неардынарных асоб, творцаў, што нарадзіліся на нашай прынёманскай зямлі. Ва ўстановах культуры праходзяць сустрэчы і выстаўкі, літаратурныя вечары і канцэрты, краязнаўчыя падарожжы і гадзіны паэзіі, прысвечаныя творчасці і памяці “мастоўскага дударыка”, кампазітара Яўгена Канстанцінавіча Петрашэвіча, актрысы і рэжысёра Любов Іванаўны Мазалеўскай,  мастака Аляксея Пятровіча Багустава і інш. 

2 кастрычніка ў раённай бібліятэцы адбылося адкрыццё тыдня "Знакамітыя землякі". 

2(2).jpg22.jpg 

3 кастрычніка ў музеі "Лес і чалавек" была адкрыта выстаўка мастака Дзмітрыя Іваноўскага, на якой прысутнічаў яго брат Мікалай Іваноўскі. 

222.jpg2222(2).jpg 

Падчас заключнага гала-канцэрта ў фае раённага цэнтра культуры будзе арганізавана кніжная выстаўка. Тут жа можна будзе пазнаёміцца з работамі майстроў раённага цэнтра рамёстваў. 

У канцэрце прымуць удзел: вядомы ў Гродзенскай вобласці педагог, кампазітар, кіраўнік народнага ансамбля “Лявоны” з г.Воранава Аляксандр Мацюк, нашы мастоўскія паэтэсы Зінаіда Біліда і Галіна Васілеўская, таленавітыя маладыя выканаўцы Мастоўшчыны і, безумоўна, народны ансамбль народнай песні “Ярыца”. Прагучаць музычныя творы, напісаныя нашымі землякамі, і іншыя вядомыя кампазіцыі.
Гродненская правда