Ахова здароўя Гродзенскай вобласці накіравана на павышэнне якасці і доступу ў атрыманні медыцынскай дапамогі, укараненне новых медыцынскіх тэхналогій, зніжэнне захворванняў і смяротнасці насельніцтва.

Асноўныя складаючыя дакладнай працы сістэмы аховы здароўя – прафілактычная накіраванасць, сацыяльная, медыцынская і эканамічная эфектыўнасць, адзінства медыцынскай навукі і практыкі.

Начальнік упраўлення аховы здароўя Гродзенскага абласнога выканаўчага камітэта – Епіфанаў Ілля Уладзіміравіч (тэл. 77 29 05, тэл. прыёмнай 72 39 01, факс 72 27 33, 77 04 64).

Сістэма аховы здароўя вобласці прадстаўлена значнай арганізацыйнай структурай і матэрыяльнай базай (на 2008 год):

ФАПы – 332

Усяго ўрачэбных амбулаторый – 114

У тым ліку самастойныя – 93

Участковыя бальніцы – 21

Цэнтральныя раённыя бальніцы – 16

Гарадскія пасялковыя бальніцы - 11

Гарадскія бальніцы – 5

Абласныя бальніцы – 7

Абласныя дыспансеры – 5

Бальніцы сястрынскага дагляду – 16.

У практычнай сістэме аховы здароўя вобласці працуе больш за 29.100 медыцынскіх работнікаў, у тым ліку 11.544 сярэдніх медыцынскіх работнікаў і 4.764 урача, з іх 37 кандыдатаў навук.

Забяспечанасць вобласці ўрачамі і сярэднім медыцынскім персаналам складае 43,2 урача на 10.000 насельніцтва і 104,7 сярэдніх медыцынскіх работнікаў.

Работнікі аховы здароўя маюць дастаткова высокі ўзровень кваліфікацыі:

11% урачэй маюць вышэйшую кваліфікацыйную катэгорыю,

33,3% - першую,

20,2% - другую;

72% сярэдніх медыцынскіх работнікаў маюць кваліфікацыйныя катэгорыі.

З улікам раэльнай запатрабаванасці насельніцтва ў амбулаторных відах дапамогі ва ўсіх установах аховы здароўя ўмацаваны “плаваючыя” графікі прыёма пацыентаў, у працу рэгістратур уведзены шматканальная тэлефонная сувязь, папярэдні запіс па тэлефоне і па звяртальнасці пацыентаў, уведзены рэестры папярэдняга запісу на прыём да тэрапеўтаў і іншых спецыялістаў.

Як адзін з элементаў прынцыпу “адно акно” – папярэдні запіс пацыентаў сельскай мясцовасці на кансультатыўны прыём да спецыялістаў раённай паліклінікі непасрэдна медыцынскім персаналам урачэбных амбулаторый, што дазваляе сельскаму жыхару ў зручны час атрымаць кваліфікацыйную кансультатыўную дапамогу спецыялістамі раённай паліклінікі па прыбыццю ва ўстаноўлены час.

У вобласці актыўна развіваюцца новыя тэхналогіі: кардыёхірургія, ангіяхірургія, эндапратэзаванне, ранні трамбалізіс і іншае.

Сёння на базе ўстановы аховы здароўя “Гродзенская абласная клінічная бальніца” выконваюцца імплантацыі электракардыястымулятараў, стэнтаванне каранарных артэрый, балонная каранарная ангіяпластыка, з ліпеня 2008 года – аперацыі на адкрытым сэрцы.

Ва ўстанове аховы здароўя “Гарадская клінічная бальніца хуткай медыцынскай дапамогі г.Гродна” укаранена методыка рэканструктыўных аперацый, астэасінтэза, эндапратэзаванне тазасцягавых і каленных суставаў, інтэрлокінг. У 2009 годзе гэтыя ж аперацыі выконваюцца ў Лідскім і Слонімскім раённах. У 1 паўгоддзі 2009 года праведзена 126 аперацый эндапратэзавання.

У вобласці разгорнуты перынатальны цэнтр 3 узроўню на 200 коек у 2 лячэбных карпусах, функцыянуе 14 структурных падраздзяленняў, у тым ліку амбулаторныя аддзяленні “Шлюб і сям’я” медыка-генетычнага кансультавання. Укараняецца новы метад дыягностыкі храмасомных захворванняў у плода – амніацэнтэза.

Для прывядзення ўстаноў аховы здароўя ў адпаведнасць сучасным патрабаванням на працягу 2009 года праведзены вялікі аб’ём работ па рэканструкцыі ўстаноў:

рэканструкцыя стацыянара УАЗ “Гродзенскі абласны кардыялагічны дыспансер”;

скончана рэканструкцыя будынка УАЗ “Гродзенская абласная дзіцячая клінічная бальніца” і пачата будаўніцтва хірургічнага корпуса;

будаўніцтва ўчастковай бальніцы ў г.п.Юрацішкі;

рэканструкцыя лячэбных карпусоў УАЗ “Гродзенская абласная клінічная бальніца”;

рэканструкцыя Дома дзіцяці ў г.Гродна;

рэканструкцыя хірургічнага корпуса з прыбудовай радзільнага аддзялення ў г. Навагрудку;

блока аднаўляльнага лячэння паліклінікі па вул.Транспартная г.Гродна.