Версия для печати
Размер шрифта
+
Печать

Навагодняя шоу-праграма “Новы год – час чараўніцтва” ў аг. Гальшаны Ашмянскага раёна

Навагодняя шоу-праграма “Новы год – час чараўніцтва” ў аг. Гальшаны Ашмянскага раёна
Новы год – чароўнае, яркае, шумнае свята з мноствам падарункаў, сюрпрызаў, жаданняў. Яго сустракаюць дома і на працы, у школе і дзіцячым садзе... Значны ўклад у стварэнне ўсеагульнай святочнай атмасферы ў аг. Гальшаны Ашмянскага раёна ўнеслі работнікі аддзела культуры і вольнага часу. 31 снежня 2017 года яны запрасілі ўсіх жадаючых на навагоднюю шоу-праграму Новы год – час чараўніцтва.
Уявіце сабе: нешта пайшло не так, і 31 снежня гадзінная і хвілінная стрэлкі не сустрэліся. Як жа цяпер наступіць Новы год? Як Дзед Мароз зразумее, што прыйшоў час для цудаў? Галоўныя героі зімовай гісторыі – Дзед Мароз і Снягурка, Стыліст і Баба-яга, Анегін і Ленскі – разам з гледачамі адправіліся ў займальнае падарожжа, каб разгадаць усе таямніцы часу і дапамагчы стрэлкам гадзінніка сустрэцца зноў.
Любімыя мелодыі, бясконцыя танцы, вясёлыя карагоды вакол ёлкі, гульні, конкурсы, падарункі, сюрпрызы – усё гэта падарыла гасцям выдатны навагодні настрой, многа радасці і станоўчых эмоцый.

Вы можете найти эту страницу по следующему адресу:
http://grodno-region.gov.by/by/region-news-by/view/navagodnjaja-shou-pragrama-novy-god-chas-charaunitstva-u-ag-galshany-ashmjanskaga-raena-22735-2018/
© Гродзенскі аблвыканкам, 2010-2016
Распрацоўка БЕЛТА