Герб Республики Беларусь Гродно Гродненский областной
исполнительный комитет

Официальный портал -
победитель XV конкурса "ИНТЕРНЕТ - ПРЕМИЯ ТИБО-2017"

Интернет-приемная облисполкома

Адрес облисполкома:
230023 г. Гродно, ул. Ожешко, 3
E-mail: groblisp@mail.grodno.by
(для деловой переписки)
Приемная:
(0152)72-31-90
Факс: (0152)72-02-32
Делопроизводство:(0152)73-55-55
Главная - Культура и искусство
19 февраля 2019

Пра мову на мове. У абласной бібліятэцы пройдуць імпрэзы да Дня роднай мовы з удзелам пісьменнікаў Гродна

20 лютага а 17-й гадзіне ўсіх жадаючых запрашаюць на імпрэзу “Пагавары са мной па-беларуску”.
– Гэта будзе тэатралізаванае літаратурна-музычнае прадстаўленне ад тэатра паэзіі “Вікторыя”, які дзейнічае на базе нашага абласнога аддзялення Саюза пісьменнікаў Беларусі з мінулага года. Прысвечана яно Дню роднай мовы, які штогод адзначаецца 21 лютага, – распавяла старшыня гродзенскага аддзялення Саюза пісьменнікаў Беларусі Людміла Кебіч.  Сама імпрэза будзе складацца з чатырох розных дзеяў. Падчас іх прысутныя пабачаць невялікае прадстаўленне паводле апавядання Ганны Скаржынскай-Савіцкай “Усяму аснова родная мова” ў выкананні школьнікаў. Свае творы на беларускай мове прачытаюць гродзенскія пісьменнікі Віктар Кудлачоў, Браніслаў Ермашкевіч, Людміла Шаўчэнка, Святлана Тарасава, Вікторыя Смолка  і іншыя творцы. 
Завяршыцца імпрэза гульнёвай праграмай ад Пятра Сямінскага, якая пакажа, наколькі добра госці ведаюць родную мову. Вечар пройдзе ў суправаджэнні прыгожай музыкі.

Яшчэ адно цікавае мерапрыемства, на якое запрашаюць гродзенскія пісьменнікі, адбудзецца ў абласной навуковай бібліятэцы 27 лютага. Пачатак таксама ў 17.00. У гэты час тут распачне працу грамадскі дыскусійны клуб “Словадром”. 
Дыскусійны клуб існуе з 2015 года, і кожнае яго паседжанне – новая тэма для абмеркавання. Гэтым разам размова пойдзе пра прыказкі, прымаўкі і фразеалагізмы. Што такое моўны этыкет, якія ёсць асаблівасці устойлівых выразаў Прынямоння, моўныя традыцыі ў эпоху глабалізацыі – гэтыя і іншыя пытанні можна будзе абмеркаваць з пісьменнікамі, дзеячамі культуры, педагогамі і навукоўцамі. Прыходзьце і выказвайце свае думкі!