Герб Республики Беларусь Гродно Гродненский областной
исполнительный комитет

Официальный портал -
победитель XV конкурса "ИНТЕРНЕТ - ПРЕМИЯ ТИБО-2017"

Интернет-приемная облисполкома

Адрес облисполкома:
230023 г. Гродно, ул. Ожешко, 3
E-mail: groblisp@mail.grodno.by
Приемная: (0152)72-31-90
Запись на приём: 73-55-66
73-55-67
Факс: (0152)72-02-32
Главная - Культура и искусство
29 сентября 2017

У яслях-садку № 65 Гродна працуе беларускамоўная група "Вяселка"

Яна пачала працаваць з першага жніўня. Сення яе наведваюць 19 дзетак ва ўзросце ад 2 гадоў. На працягу дня выхавацелі і спецыялісты арганізоўваюць выхаваўчы працэс на беларускай мове: размаўляюць, чытаюць, гуляюць з дзецьмі. 

 – Напярэдадні новага навучальнага года аддзел адукацыі Кастрычніцкага раёна Гродна правёў апытанне сярод бацькоў, – расказала загадчыца яслямі-садам №65 Алена Прэцкайло. – І з улікам іх пажаданняў у нашай установе з'явілася першая беларускамоўная група. 

Першай стала яна ўвогуле для Кастрычніцкага раёна Гродна. У групе створаны ўсе ўмовы для насычанага і цікавага жыцця выхаванцаў. Кожны дзень яны з задавальненнем прыходзяць у садок, каб паказаць свае таленты і праявіць сябе ў розных відах дзейнасці. 

Знаёмства з беларускай культурай будуецца на аснове малых фальклорных формаў – прымавак і прыказак. З радасцю дзеці апранаюць нацыянальныя строі падчас гульнёвых заняткаў, развучваюць песні і вершы. На беларускай мове ў гэтай групе будуць праходзіць усе ранішнікі, але для садку гэта не навінка. Святы з пазнакай «этна» тут звыклая практыка. Да дня пісьменства, напрыклад, дзеці сталі ўдзельнікамі мерапрыемства «Першыя крокі насустрач з цудоўнай кнігай», якое прайшло, зразумела, на роднай мове. 

белорусскоязычная группа 65 ясли-сад2.jpg 

Існуюць беларускамоўныя групы і ў Ленінскім раёне Гродна. Не першы год прымаюць юных выхаванцаў ў яслях-садку №45. Дзве такія групы сёння наведваюць 30 дзяцей ва ўзросце ад трох да шасці год. А ў яслях-садку №54 працуюць 6 беларускамоўных груп і і гэты вопыт ўжываецца тут ўжо больш за дзесяць год. 

Знаёмства ж з беларускай мовай актуальна для ўсіх без выключэнняў садоў вобласці. Адзін дзень тыдня нават у рускамоўных установах для дзяцей пачынаецца з прывітання «Добрай раніцы» замест “Доброе утро” і ўключае адпаведныя заняткі. Аб станоўчым уплыве такой практыкі магу судзіць, як гаварыцца знутры. З нейкай асаблівай інтанацыяй чатырохгадовы сын пераказвае пасля такіх дзён лічылкі і вершыкі па-беларуску і з зацікаўленасцю пытаецца пра тое ці іншае слова, якое прагучала з тэлеэкрана на беларускай мове.
Гродненская правда