Герб Республики Беларусь Гродно Гродненский областной
исполнительный комитет

Официальный портал -
победитель XV конкурса "ИНТЕРНЕТ - ПРЕМИЯ ТИБО-2017"

Интернет-приемная облисполкома

Адрес облисполкома:
230023 г. Гродно, ул. Ожешко, 3
E-mail: groblisp@mail.grodno.by
(для деловой переписки)
Приемная:
(0152)72-31-90
Факс: (0152)72-02-32
Делопроизводство:(0152)73-55-55
Главная - Новости региона
25 октября 2019

Музыка новага гучання, альбо Рок па-беларуску ад “Hard blues shot”

Месцам аб’яднання прыхільнікаў эстэтычнага гучання ўжо не першы раз становіцца Гродзенскі абласны метадычны цэнтр народнай творчасці. Практыка ладжання тут не толькі музычных, але і паэтычных вечарын настолькі прыпала да душы гарадзенцам, што цяпер цэнтр штомесяц адчыняе свае дзверы для аматараў літаратурна-музычных праграм. Ініцыятарам правядзення такіх імпрэз стаў кіраўнік народнага клуба творчай інтэлігенцыі “Грані” Аляксандр Закрэўскі. На гэты раз у рамках адкрытага пасяджэння клуба адбылася музычная сустрэча з цыклу “Гітара ад класікі да джаза” з гарадзенскім рок-гуртом “Hard blues shot”.

IMG_4748.jpgIMG_4762.jpg

Перад пачаткам мерапрыемства кіраўнік клуба Аляксандр Закрэўскі звярнуўся да гісторыі беларускага року, узгадаўшы асноўныя этапы яго станаўлення. А пасля пазнаёміў з дзейнасцю музычнага калектыву.

 

Сваім “жывым”, эмацыйным, а часам і пранікнёным выступленнем удзельнікі гурта па-сапраўднаму здзіўлялі прысутных. Да ўвагі слухачоў музыканты прадставілі ўласныя аранжыроўкі музычных твораў такіх вядомых у беларускім рок-асяроддзі гуртоў, як “Крама”, “Крамбамбуля”. Абсалютна новае гучанне набылі і кампазіцыі заснаванага ў пачатку 80-х гурта “Мроя”. А вечны хіт “N.R.M.” “Тры чарапахі” адразу абудзіў свядомае беларускае сэрца.

IMG_4774.jpgIMG_4783.jpgIMG_4791.jpgIMG_4795.jpgIMG_4805.jpg

Не абыйшлося без сюрпрызаў. Удзельнікі рок-гурта “Hard blues shot” звярнуліся да замежных рокавых матываў, выканаўшы дзве кампазіцыі з рэпертуару музычнага калектыва з Босніі і Герцагавіны Bijelo Dugme, што у перакладзе гучыць як “Белы гузік”.

IMG_4813.jpgIMG_4818.jpgIMG_4823.jpg

Якасныя аранжыроўкi, прыгожыя гiтарныя сола па словах слухачоў, пакінулі пасля найлепшыя незабыўныя ўражанні.