У Гродне пройдзе чэмпіянат свету па гіравым спорце
Чэмпіянат свету па гіравым спорце пройдзе з 15 па 17 лістапада. У ім возьме ўдзел і вядомы гродзенскі спартсмен Яўген Назарэвіч. Дарэчы, ураджэнец Гродзеншчыны з’яўляецца неаднаразовым чэмпіёнам свету і ўладальнікам пяці рэкордаў Гінеса па гіравым спорце. Акрамя таго, ён абраны старшынёй прэзідыума Міжнароднай федэрацыі гіравога відаў спорту, якая зарэгістраваная ў Міністэрстве юстыцыі Рэспублікі Беларусь.
Ці пойдзе на новы рэкорд сам Яўген Назарэвіч, пакажа час.
Па лініі Міжнароднай федэрацыі гіравых відаў спорту і Сусветнай акадэміяй гіравога спорту ўжо зарэгістраваныя 65 чалавек. Падала заяўку дэлегацыя з Японіі.
Плануецца ўдзел 200 чалавек. Узроставыя групы ад 18 гадоў і старэйшыя, мужчыны і жанчыны з прымяненнем дыферэнцыраванага падыходу. Удзельнікі будуць выступаць у спорце вышэйшых дасягненняў, у раздзелах «Масавы спорт», «Ветэраны спорту», «Пачаткоўцы».