У Гродзенскай вобласці зарэгістравана 59 друкаваных выданняў, у тым ліку 34 дзяржаўных, агульным разавым тыражом больш за 300 тысяч асобнікаў. У рэдакцыях дзяржаўных сродкаў масавай інфармацыі працуе 250 творчых работнікаў, пры гэтым рэдакцыйнымі калектывамі шырока выкарыстоўваюцца матэрыялы пазаштатных аўтараў. У галоўным упраўленні працуе прэс-цэнтр, які інфармуе грамадскасць пра дзейнасць мясцовых органаў улады. Не радзей як два разы на месяц праводзяцца прэс-канферэнцыі для журналістаў вобласці, у якіх прымаюць удзел кіраўнікі вобласці, структурных падраздзяленняў аблвыканкама, абласных арганізацый і службаў. Штогод падводзяцца вынікі арганізаванага аблвыканкамам спаборніцтва сярод рэдакцый абласных, раённых і гарадскіх газет, тэлебачання і радыё, прафесійных журналістаў. Пераможцы па дзевяці намінацыях атрымліваюць дыпломы і грашовыя прэміі.
У газетах сістэматычна публікуюцца артыкулы, інтэрв'ю, «прамыя лініі», адказы на пытанні чытачоў старшыняў аблвыканкама, гаррайвыканкамаў, іх намеснікаў, кіраўнікоў камітэтаў, упраўленняў і аддзелаў па актуальных пытаннях грамадска-палітычнага, сацыяльна-эканамічнага і культурнага жыцця.