Бел
Гродзеншчына этнаканфесійная
Этнаканфесійныя адносіны ў Гродзенскай вобласці характарызуюцца стабільнасцю, тэлерантнасцю і канструктывізмам.
У красавіку 2025 г. на пасяджэнні Гродзенскага аблвыканкама разгледжана пытанне “Аб рабоце па забеспячэнні выканання рэлігійнымі арганізацыямі Закона Рэспублікі Беларусь “Аб свабодзе сумлення і рэлігійных арганізацыях” і перарэгістрацыі рэлігійных абшчын”. У рабоце выканкама прыняў удзел Упаўнаважаны па справах рэлігій і нацыянальнасцей Румак А.А.
Рэлігійная палітра Гродзеншчыны разнастайная. У вобласці ажыццяўляюць рэлігійную дзейнасць 484 рэлігійныя арганізацыи 14 канфесій. Дзейнічае 455 рэлігійных абшчын, размешчана 539 культавых будынкаў.
Функцыянуюць таксама Мінская вышэйшая духоўная семінарыя, Гродзенская Рымска-каталіцкая вышэйшая духоўная семінарыя, духоўная навучальная ўстанова “Тэалагічны каледж імя святога Казіміра” Гродзенская дыяцэзіі Рымска-каталіцкага Касцёла ў Рэспубліцы Беларусь, 8 праваслаўных братэрстваў і сястрынстваў, 7 праваслаўных і 3 каталіцкія манастыры, 6 абласных і рэспубліканскіх рэлігійных аб'яднанняў і дабрачыннае каталіцкае аб'яднанне “Карытас”. Рэлігійную дзейнасць ажыццяўляюць 554 свяшчэннаслужыцеля і іншых служыцеляў культа, з іх 18 замежныя грамадзяне.
Вялікая ўвага з боку святароў працягвае надавацца рабоце з дзецьмі. У Гродзенскай вобласці дзейнічае 266 нядзельных школ розных канфесій.
На Гродзеншчыне паміж органамі ўлады і рэлігійнымі арганізацыямі склаліся канструктыўныя ўзаемаадносіны. Ажыццяўляецца супрацоўніцтва з шэрагам рэлігійных канфесій у справе захавання маральнасці ў грамадстве, духоўным выхаванні людзей, пераадольванні негатыўных сацыяльных з'яў, ахове і аднаўленні гісторыка-культурнай спадчыны, павышэнні сацыяльнай значнасці інстытута шлюбу і сям'і і інш. У 2025 годзе вернікамі праваслаўнай і каталіцкай канфесій па тэрыторыі вобласці праведзена 12 хрэсных хадоў (у выглядзе масавых мерапрыемстваў).
Штогод у гаррайвыканакамах адбываюцца сустрэчы кіраўніцтва органаў выканаўчай улады з духавенствам. У ходзе сустрэч свяшчэннаслужыцелі атрымліваюць інфармацыю аб выніках дзейнасці органаў улады і працоўных калектываў, з імі абмяркоўваюцца пытанні супрацоўніцтва.
Пытанні рэгулявання канфесійных адносін і кантролю за выкананнем заканадаўства аб свабодзе сумлення і рэлігійных арганізацыях у 2025 годзе былі разгледжаны на пасяджэннях Бераставіцкага, Астравецкага і Свіслацкага райвыканкамаў.
Органы ўлады, прадпрыемствы і арганізацыі вобласці, па меры магчымасці, аказваюць дапамогу рэлігійным арганізацыям у вырашэнні рознага роду праблем. Напрыклад, на аснаванні падпункта 2.1. пункта 2 Указа Прэзідэнта Рэспублікі Беларусь ад 25 лютага 2011 г. № 72 «О некоторых вопросах регулирования цен (тарифов) в Республике Беларусь» рашэннем Гродзенскага абласнога выканаўчага камітэта тарыфы на паслугі па цеплазабеспячэнню і водазабеспячэнню і водаадвядзенню ўстаноўлены для рэлігійных арганізацый на ўзроўні тарыфаў для насельніцтва. Рэлігійныя арганізацыі Указам Прэзідэнта Рэспублікі Беларусь од 1 снежня 2005 г. № 571 вызвалены ад падаткаў на зямлю і нерухомасць.
У вобласці таксама ажыццяўляецца работа па рэалізацыі Пагаднення аб супрацоўніцтве паміж Рэспублікай Беларусь і Беларускай Праваслаўнай Царквой. Прыярытэтнымі напрамкамі супрацоўніцтва былі і застаюцца маральнае і патрыятычнае выхаванне моладзі, духоўная адукацыя, культура і творчая дзейнасць.
У маі 2025 года на базе Свята-Успенскага Жыровіцкага стаўрапігіяльнага мужчынскага манастыра прайшоў семінар на тэму: «Дзяржава і Царква. На варце традыцый і маральных каштоўнасцей беларускага грамадства», у працы якога прынялі ўдзел: старшыня Палаты прадстаўнікоў Нацыянальнага сходу Рэспублікі Беларусь Сяргеенка І.П., Патрыяршы Экзарх усяе Беларусі Мітрапаліт Мінскі і Заслаўскі Веніямін, Упаўнаважаны па справах рэлігій і нацыянальнасцей Румак А.А., старшыня Гродзенскага аблвыканкама Караеў Ю.Х., міністр культуры Рэспублікі Беларусь Чарнецкі Р.І., міністр адукацыі Рэспублікі Беларусь Іванец А.І., дэпутаты Палаты прадстаўнікоў Нацыянальнага сходу Рэспублікі Беларусь і інш. Падчас мерапрыемства абмяркоўваліся тэмы: "Духоўна-маральныя каштоўнасці як аснова паступальнага развіцця грамадства", «Захаванне міжканфесіянальнага міру як прыярытэт дзяржаўнай палітыкі», «Інфармацыйная прастора і яе роля ва ўмацаванні маральных арыенціраў».
Работа ва ўстановах адукацыі будуецца на падставе палажэння "Аб парадку, умовах, змесце і формах узаемадзеяння ўстаноў адукацыі з рэлігійнымі арганізацыямі ў пытаннях выхавання навучэнцаў", зацверджанага пастановай Савета Міністраў Рэспублікі Беларусь ад 24.06.2001 № 838.
Арганізавана работа 7 абласных і 11 раённых рэсурсных цэнтраў па духоўна-маральнаму і патрыятычнаму выхаванню на базах устаноў дашкольнай і агульнай сярэдняй адукацыі.
У рамках розных сацыяльных праектаў у г.Гродна, г.Ліда, г.Дзятлава, г. Навагрудку і пас. Пагранічны Бераставіцкага раёна вобласці сумесна з праваслаўнымі рэлігійнымі арганізацыямі штогод арганізуецца работа па ахове мацярынства і дзяцінства, аказанні дапамогі інвалідам, адзінокім грамадзянам і састарэлым, ветэранам Вялікай Айчыннай вайны і працы, шматдзетным сем'ям.
У жніўні - верасні па тэрыторыі Дзятлаўскага, Зэльвенскага, Іўеўскага, Ашмянскага і Лідскага раёнаў прайшла XXXII навукова-асветніцкая экспедыцыя "Дарога да святыняў" з Жыватворным Агнём ад Труны Гасподняй. У рамках экспедыцыі для розных катэгорый грамадзян праведзена больш за 40 духоўна-асветніцкіх мерапрыемстваў.
Сродкі масавай інфармацыі вобласці рэгулярна асвятляюць пытанні жыцця рэлігійных арганізацый, дзяржаўнай палітыкі ў этнаканфісійнай сферы. Усяго за 2025 год было надрукавана больш за 790 матэрыялаў на канфесійную тэматыку. СМІ Гродзенскай вобласці прымаюць актыўны ўдзел у рэспубліканскіх конкурсах для электронных і друкаваных сродкаў масавай інфармацыі на лепшае асвятленне пытанняў міжнацыянальных і міжканфесіянальных адносін, міжкультурнага дыялогу ў Рэспубліцы Беларусь і супрацоўніцтва з суайчыннікамі за мяжой. Па выніках конкурсу за перыяд май 2024 - красавік 2025 г.г. рэдакцыі раённых газет "Полымя" (Карэліцкі раён), "Іўеўскі край", "Астравецкая праўда" ўзнагароджаны дыпломамі, спецыяльнымі прызамі Упаўнаважанага па справах рэлігій і нацыянальнасцей і Міністэрства інфармацыі Рэспублікі Беларусь.
На тэрыторыі вобласці працягваюць выдавацца 5 часопісаў і газет праваслаўных і каталіцкай епархій: «Гродненские епархиальные ведомости», «Новогрудские епархиальные ведомости», «Жировичская обитель», «Ступени», «Слова жыцця».